Məktəbdə 16.02.2023 cü il tarixində "Tarix yazan qəhrəmanlarımız" adlı hesabat tədbiri keçirildi. Hesabat tədbiri məktəbin 51 sinfinə şəhid adlarının verilərək xatirələrinin əbədiləşdirilməsi layihəsinə həsr olundu. Bu siniflər arasında məktəbin məzunları olmuş, I Qarabağ, Aprel döyüşləri və II Vətən müharibəsi şəhidləri də var. Zəfər TV V-n youtube kanalı və məktəbin birgə əməkdaşlığı əsasında baş tutan layihədə YAP Xətai Rayon Təşkilatının sədri Vüqar Rəhimzadə, Xətai Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Məhəmməd İbrahimov, kanalın rəhbərliyi, siniflərə adları verilən şəhidlərin valideynləri, qazilərimiz və başqa qonaqlar iştirak etdi.

Dəvət olunmuş qonaqlarla birgə bütün sinif otaqları gəzilərək şagirdlərin hazırladıqları təqdimatlara baxış keçirildi. Tədbirin ll hissəsi akt zalında davam etdi. Şəhidlərimizin əziz xatirəsinin 1 dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə açıq elan edilən tədbirdə şagirdlərin hazırladıqları çıxışlar dinlənildi. Sonda məktəb rəhbərliyi çıxış edərək şəhidlərimizin valideynlərinə təşəkkür etdi və sözü gələn qonaqlara və şəhid analarına verdi. Allah bütün şəhidlərimizə rəhmət eləsin, məqamları uca olsun!
Uğur yolu TV.az saytı olaraq gələcək nəsillərə bir örnək olacaq addımlar ataraq məktəblilərin vətənpərvər ruhda təhsil almağında əməyi olan müəllimlərimizə təşəkkür edirik.