QİSASINIZ ALINDI İGİD OĞUL

Bu gün Neftçala rayonunda şəhid İlham Dadaşovun anım tədbiri keçrilib.Anım tədbirində Neftçala rayon İcra başçısı,İcra nümayəndələri,rayon ictimaəti,məktəblilər,ziyalılar,
şəhid ailələri,qazilər,müharibə veteranları,media nümayəndələri iştirak etdi. Əlimizə qələm alanda ilk sözümüz Ana Vətən oldu.Ana kimi əziz bildik,sevdik,uğrunda ölümə belə getməyə belə hazırıq.Vətəni vətənləşdirən igid oğullardır.Qəhramanlıq salnaməsi yazan igidlər. Belə oğullardan biri Dadaşov İlham Adil oğlu 19.06.1973- ci ildə Neftçala rayonunun Kürkənd kəndində anadan olub. Doğulduğu kənd məktəbində təhsil alır və sonra Pişəvəri adına ərəb-fars təmayüllü məktəbə daxil olmuşdu. İlhamın orta məktəbi bitirmək ərəfəsi onun 1990-ci 20 yanvar hadisələrinə təsadüf etdi. 18 iyul1991-ci ildə hərbi xidmətə Leninqrad şəhərinə indiki (Sankt-Peterburq) yola düşüb. Həmin zamanda Sovet ordusu hələ dağılmamışdı, Sovet ordusu dağıldığı üçün 1992-ci ilin fevralın 3-də vətənə döndü. Fevral ayının 26- da Xocalı faciəsini eləcə də bu faciədə olan vəhşilikləri gördüyü üçün dözməyən İlham ürəyi Vətən sevgisi ilə alışıb yandığı üçün könüllü olaraq hərbi komissarlığa müraciət edir 20.07.1992- ci ilin Qarabağ bölgəsində döyüşlərə qatılır. Ağdamın Əhmədağalı kəndində yerləşən məktəbdə yaradılan "20 yanvar" batalyonun tərkibində döyüşmüşdür. 19.09.1992 - ci il tarixdə Fərrux dağında gedən qanlı döyüşlərdə qəhrəmancasına şəhidlik zirvəsinə ucalır.Lakin Ağdam rayonu işğal olunduğu üçün İlhamın nəşini götürmək olmur.Otuz il keçsə belə hər qapı döyüləndə Elmira ana diksinərək qapıya baxır və həsrətlə İlhamı gözləyir.Bu gün Vətən torpaqları azaddır ruhun şad olsun şəhidim uğrunda canını fəda etdiyin doğma Qarabağ azaddır.Üçrəngli al bayraq azad səmalarda gülümsəyərək dalğalanır.