ŞƏHİDLƏRİ EHTİRAMLA ANIRIQ

Şairə Esmira Günəşin Cəlilabad MKS-də təqdimatı olub
Sentyabrın 29-u şairə Esmira Günəş Cəlilabada növbəti səfərini edib. Bu dəfə şəhid Zülfüqar Ataşlının ailəsini ziyarət edən şairə Cəlilabad şəhidləri haqqında məqalələri və şeirlərinin dərc olunduğu "Uğur yolu Tv" jurnalının təqdimatını Cəlilabad rayon Mərkəzi Kitabxanada təşkil edərək digər şəhid ailələri ilə də görüşüb və jurnalları onlara təqdim edib. Tədbirdə rayonun icra nümayəndəsi, mədəniyyət işçiləri, şəhid ailələri ilə yanaşı, qazilər, rayonun ziyalıları və məktəblilər iştirak ediblər. Tədbir şəhidlərin bir dəqiqəlik sükütü və Azərbaycan Respublikasının Dövlət Himni ilə açıq olunduqdan sonra sıra ilə qonaqlar çıxış edib və məktəblilər şairənin şeirlərindən səsləndiriblər.
Bu dəfə jurnalda şəhid Fizuli Həbibi, şəhid Famil Ağaşov, şəhid Elçin İsmayılov, şəhid Məcid Məmmədov, şəhid Nahid Məmmədov, şəhid Fuad Qubadlı, şəhid Orxan Paşazadə,
Şəhid Şamo Kərimov, Şəhid Səyədulla Əhmədov, Şəhid Fərid Hüseynov, Şəhid Təbriz İsayev, Şəhid Rusif Kazımov, Şəhid Kənan İbrahimli, Şəhid Bayram Babaşov, Şəhid Səyyad Ağahüseynəli, Şəhid Kənan Nadirli,
Şəhid Vüsal Əliyev, Şəhid Həsən Dəmirov, Şəhid Mirnağı Şərifov, Şəhid Hüseynalı Nəbiyev, Şəhid Zülfüqar Ataşlı, Şəhid Ayaz Abbasov, Şəhid Rəfail İşiyev, Şəhid Elməddin Vəlişov yer alıb. Tədbirdə hər bir şəhidə həsr olunan şeir səslənib.
Şairə Esmira Günəş şəhid ailələrinə jurnalları təqdim etdikdən sonra tədbirin sonunda şəhid Həsən Dəmirovun qardaşı qızı balaca Zeynəbin ad günü olduğunu bildirərək ona tədbir zamanı sürpriz edib. Balacanın çıxışı zamanı şairənin səhnəyə tortla daxil olması daha sonra isə şəhid Fizuli Həbibinin anası Azadə xanımın Zeynəbə gətirdiyi hədiyyə onu hədsiz sevindirib. Sonda kitabxana əməkdaşı Leyla xanımın şagirdlərinin şəhid analarının hər birinə gül dəstələri verməsi tədbirə xüsusi ahəng qatıb. Şairə xanım tədbir boyu dəfələrlə şəhidlərə dəyər verən, onların tanıdılmasında ailələrinə təsəlli olmağa çalışan hər kəsə, ən əsası da hər dəfə Cəlilabadda tədbirlərin keçirilməsində xüsusi əməyi olan Qənimət xanıma təşəkkür edib. Tədbir xatirə şəkilləri ilə yekunlaşıb.
Esmira xanımma yaradıcılıq uğurları diləyirik.
Uğuryolu
Şəbňəm