Şəhid Emini sevənlər Bakı şəhərində Ağçiçəyim şadlıq sarayında Eminin işığına toplaşdılar

Bu gün Emin sevənlər Bakı şəhərində Ağçiçəyim şadlıq sarayında Eminin işığına toplaşdılar.Emin İsmayılovun cənnətə qovuşmasından bir il ötdü,amma istər bir il yox əsrlər keçsin Şəhidlərimiz Eminlər hər zaman dərin minnətdarlıq hissi ilə yad ediləcəklər. Xatirələri həmişə dərin ehtiramla anılacaq.
Nə xoş mənə ki, Şəhidimin il mərasimində iştirak etmək mənə də qismət oldu.Biz Şəhidlərimizin haqqını heç vaxt ödəyə bilmərik,daim onlara borcluyuq. Biz şəhidlərimizə borcluyuq təkcə ona görə yox ki, onlar bizə 30 illik həsrətində olduğumuz itirilmiş torpaqlarımızı qaytardılar.Onlar bizə Milli qürurumuzu, Milli mənliyimizi, itirilmiş sərvətlərimizi, keçmişdəki qəhrəmanlığımızı,kimliyimizi bizə qaytardılar.
Emin İsmayılov 6 oktyabr 2020-ci ildə Kəlbəcər rayonu istiqamətində döyüş tapşırığının yerinə yetirərkən qəhrəmancasına şəhid olmuşdur. Hələ cox gənc idi ömrünün 20 – ci payızını yaşayırdı Emin. Arzuları cox xəyalları böyük idi Emin balamızın.Ama içində olan Ana-Vətən sevgisi Emini torpaqlarımızı düşmən tapdağından azad etmək üçün Qəhrəmanlıq göstərən ,tarix yazan oğullardan biri etdi. Əslən Cəbrayıl rayonunundan olan ancaq doğma ata ocağını heç görməyən Emin 44 günlük Vətən müharibəsində ən uca məqama ŞƏHİDLİK MƏQAMINA ucaldı.
Şəhidlər qürurumuz, fəxrimiz, əbədi and yerimizdir. Şəhidlər ölmür əbədi ölməzlik qazanırlar.
Bu günkü tədbirdə yeganə övlad itkisinin acısını yaşayan Məlahət anaya Qafqaz Media İctimai birliyinin təsis etdiyi “Cənnət qoxulu Şəhidim “,və “Şəhid anası” medalları Qəhrəman anaya təqdim olundu.
Bu gün qəlbi könlü bizlə birgə vuran ,ürəyi burda olub özü burda olmayan Qazax rayonunun Qəhrəman şəhidi Fidat Məmmədovun bacısı Hicranə xanım da şəhidimizə Allahdan rəhmət diləyir Məlahət anaya dərin hüznlə baş sağlığı göndərir və bir şəhid bacısı kimi şəhid ana bacılarına səbr arzulayır.Həmkarım Hicranə xanımla birgə rəssam Qoşqar Məmmədov tərəfindən hazırlanmış olan rəsm sənət əsərini Qazax şəhid anaları adından şəhidimin guşəsinə hədiyyə olaraq təqdim etdim.
Bu günkü mərasimdə cox hörmətli deputatımız Ceyhun Məmmədov, vətənpərvər oğul hər zaman şəhid ailələri və qazilərimizin yanında olan Kamil Zeynallı, Milli Qəhrəmanımız General Polad Həşimovun qardaşı İlham Həşimov, bəstəkar Ruslan Səfəroğlu Bərdə ,Gəncə, İsmayıllı, Samux, Masallı şəhid ailələri ,qazilər,iş adamları və tanıdıq tanımadıq Emin sevərlər iştirak etdilər.
Ağçiçəyim şadlıq sarayının rəhbərliyinə və işçi kollektivinə şəhidimiz üçün belə bir mərasim hazırladıqları üçün təşəkkürrümü bildirirəm. Eyni zamanda işçi personalına yüksək səviyyəli qulluq üçün minnətdaram Azərbaycan xalqının özəlliyi budur şəhidinə verdiyi dəyər qiymət budur.
UĞURYOLU TV.AZ anaya Qarabağ Azərbaycandır
diplomunu ilə təqdim elədi və Emin İsmayılovun ev muzeyinə Eminin portretini hədiyyə etdi.
Şəhidlər bizim baş tacımızdır.
Ruhun şad, məkanın cənnət olsun Şəhidim. Siz daim qəlbimizdə yaşayacaqsınız.

Alməmmədova Sevinc.

Uğuryolutv.Az