ŞƏHİDLƏRİ EHTİRAMLA ANIRIQ.

Bu gün Binə kəndi Mədəniyyət Mərkəzində Xocalı faciəsində qəhramanliqla şəhadətə yüksələn şəhidlərimizin anım tədbiri keçirilib.Tədbir iştirakçıları şəhidlərin xatirəsini ehtiramla andılar.Çıxış edənlər bir ailənin üç oğlunu şəhid verən Aslanovlar ailəsinə allahdan səbr dilədilər.Tədbirdə şəhid ailələri,qazilər,Xəyal Xeyriyyə Cəmiyyətinin rəhbəri Xəyal Musayev,Zəfər TV.az saytının rəhbəri Xanım Şirinova ictimaət nümayəndələri də iştirak etdi.Xəqani Aslanov və igid qardaşları haqqında məqalələr yazılmış jurnal şəhidin oğlu Aslanov Sadiq Xəqani oğluna təqdim edildi.Azərbaycan Respublikası Şəhid Ailələrinə "QAYĞI" Cəmiyyətinin sədri Əliyev Müşviq Ənvər oğlu çıxışında daima dövlətin diqqət və qayğısının şəhid ailələrinin üzərində olduğunu vurğuladı.Daha sonra çıxış edənlər Xəqani Aslanov kimi oğulların qəhrəmanlıqlarından qürurla danışdılar.
Sonda Raziyə Kamilqızının Xocalıya həsr etdiyi şer Dəniz tRüzgarın ifasında səsləndi.
Biz də Uğur yolu TV.az saytı olaraq daima şəhid ailələrinin yanında olmağı özümüzə borc bilirik.
Uğur yolu
Şəbnəm Əhmədova
Qarlı, boranlı qara gecə idi,
Xain qarı düşmən hücuma keçdi,
Neçə igidlər canlarından keçdi,
Qopdu o gecə tufan Xocalıda.

Sarıldı silaha hər oğlun, qızın,
Yüksəldi göylərə səsi silahın,
Axdı qanı neçə məsum insanın,
Qopdu o gecə tufan Xocalıda.

Gözü yaşlı qaldı neçə analar,
Süngüdə oynadı körpə balalar,
Girov, əsir düşdü gəlinlər, qızlar,
Qopdu o gecə tufan Xocalıda.

Neçə evlər xaraba, viran qaldı,
Gör neçə körpə, uşaq yetim qaldı,
Kamilqızı göz yaşı ilə yazdı,
Qopdu o gecə tufan Xocalıda.