MƏKTƏB İLLƏRİ

Xatirələr bizi ilk dəfə titrək əlləri ilə qələm tutaraq Ana Vətən yazmağı öyrədən müəllimlərimizə borcluyuq.İllər sonra o günlərə qayıtmaq,qayğısız uşaqlıq illəri məktəb xatirələri bir-bir yada düşür.İllər sonra bir yerə yığışmaq bizimçün əlçatmaz olan günlərə qayıtmaq ruhumuzu dinclik verdi.Tədbirdə ilk sözü sinif rəhbərimiz Tünzalə xanım başladı və torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edildi.Sonra hər kəs öz xatirələrini bölüşdü.Bu görüşü təşkil etdikləri üçün Füzuli şəhəri X.B.Natəvan adına tam orta məktəbin 10B sinifinin 1986-cı il məzunları olan qardaşlarımıza təşəkkür edirik.Sonda Raziyə
Kamilqızının məktəb illərinə həsr etdiyi şer səsləndi.Dünyasını dəyişən sinif yoldaşlarımız Aytən xanımın və bizlərin sevimlisi olan Hüseyn qardaşımızın da xatirəsi anıldı.
Daha xoş günlərdə ğorusmək ümidi ilə ....
Uğur yolu
Geyindirib məktəbli forması bantla,
Qızların hər biri, sanki, bir kukla,
Oğlanlar baxırdı dəcəl baxışla,
Çox gözəl idi məktəb illəri!

Qızlar naz-qəmzəli, forslu idilər,
Bər-bəzəkli Tovuz quşu idilər,
Oğlanlar Nəbi, Koroğlu idilər,
Qayğısız, şən idi məktəb illəri!

A sinfindən küsüb B-yə keçdim,
Yaxşı oldu ki, bu sinifi seçdim,
Mən də onlar kimi çox dəcəl idim,
Onlarla xoş idi məktəb illəri!

Müəllimlər bir-bir düşür könlümə,
Rəhbərimiz Tünzalə müəllimə,
Dil öyrədirdi Məxmər müəllimə,
Onlarla xoş idi məktəb illəri!

Zoya bizi taxta ilə döyürdü,
Ədil sakitdi, səs-küy bürüyürdü,
Qızlar gülür, oğlanlar öyünürdü,
Onlarla xoş idi məktəb illəri!

Hüseyn, Aytən tez tərk etdilər bizi,
Kədərə, qəmə qərq etdilər bizi,
Qalıb qəlbimizdə onların izi,
Onlarla xoş idi məktəb illəri!

Sinifkom Yeganə yaxın sirdaşım,
Qızlar bacımdır, oğlanlar qardaşım,
Çox da əllini ötüb, keçib yaşım,
Onlarla xoş idi məktəb illəri!