ŞƏHİDLƏR UNUDULMUR

O torpaq ki,qoynunda min illərdən bu günə qədər necə qəhramanlar, vətənpərvər igidlər yetişdirib.Torpaq,yurd üçün həyatından keçənlər şəhid adlanır.Böyük Allah hər bir insana bu müqəddəs adı qismət etmir.Çünki şəhid olmaq vətənləşməkdir,əbədiyasarliq qazanmaqdır.
Vətəni vətən edən qana bulanmış torpaqdır.

Şəhidlik adını ucuz tutmayın,
Öldülər sözünü dilə almayın,
Onlar yaşayırlar,siz unutmayın!
Adını tarixlərə yazdı şəhidlər,
Haqqın dərgahına çıxdı şəhidlər!
Bu gün sizlərə bir ailədən 20 sentyabr 1972ci ildə Salyan rayonu Şorsulu kəndində zəhmətkeş bir ailədə dünyaya göz açan Babayev Elçin Siyasət oğlu haqqında danışmaq istədim.
Yarım qalmış arzular,həyatlar,gülüşlər qalmışdı o torpaqlarımızda.Xaraba qalmış OCAQLARDA .. .qeyd olunmamış bayramlarımız və ən əsas o torpaqlarda dalğalanmayan üçrəngli Bayrağımız ...Çox ağır hisslər yaşadır insana gözü yaşlı baxmaq qarşıya ...bilərsiz qalan o torpaqlara... Elçin uşaq vaxtlarından Vətəninə bağlı bir oğul idi.Orta məktəbdə oxuyurkən musiqini çox sevərdi,idmanla məşğul olardı.Hər zaman Sədaqət anaya söz verirdi ki,Azərbaycan bayrağının ucalarda dalğalanması üçün lazım gələrsə canımı belə qurban verərəm Beləliklə Elçin Babayev oğlu Vətən darda olduğu zaman könüllü olaraq Qarabağa yollanır silaha sarılaraq torpaqlarımızın azadlığı uğrunda döyüşlərə yollanır.Agır döyüş yolu keçən Babayev Elçin 31mart 1993-cü ildə qəhrəmanlıqla Ağdam rayonu Laçın rayonu Güləbirt kəndi uğrunda gedən döyüşlərdə qəhramanlıqla şəhid olur.Könüllulər arasında ən az yaşlı olmağına baxmayaraq bütün batalyonun sevimlisi idi,hər zaman komandirlərin tapşırıqlarını yerinə yetirirdi.Döyüş yoldaşları onu "Qəhraman oğlan" deyə çagırardılar.Ölümün gözünə ölümsüz baxan,gözünü qırpmadan canınızı fəda etdiyiniz Qarabagımızda üçrəngli bayrağımız dalğalanır.Məzarsız şəhidim Elçin ruhun şad olsun. Laçın azaddır!
Şuşa azaddır!
Bu gün Uğur yolu TV.az saytı olaraq Elçin Babayevin ailəsini ziyarət etdik.31.03.2024- cü il tarixdə Elçin Babayevin xatirəsini yad etmək üçün şəhid ailələri,Salyan rayon Şorsulu kənd bələdiyyəsinin sədr vəzifəsini icra edən Elmar Xudiyev, N.İbrahimov adına Şorsulu kənd ümumi orta məktəbin direktoru Aygün Xudiyeva,məktəbin kollektivi iştirak edərək şəhidlərin xatirəsini ehtiramla yad edərək anaya səbr dilədilər
Qəhraman igid oğul hər zaman səninlə qürur duyuram deyə Sədaqət ana gözlərini qapıya zilləyərək söyləyir hər gün bu qapıdan Elçinin gəlişini gözləyirəm,uzun və sonu görunməyən yollarda Elçinimi haraylayıram.Ana yurdu üçün canını fəda edən oğlum ruhun şad olsun,səninlə hər zaman qürur duyuram.
Vətən sağ olsun deyərək sözlərinə nöqtə qoydu Sədaqət ana
Qarabağ Azərbaycandır!
Uğur yolu