"Cəsur Qəhrəmanlar" kitabının ilk təqdimatı Füzulidə oldu

01.04.2024- cü il tarixində AYB-nin üzüvü şair Esmira Günəşin Füzuli rayonunun Horadiz qəsəbəsində Fəqan Zalovun adına 3 saylı tam orta məktəbdə "Cəsur Qəhrəmanlar" kıtabının təqdimatı keçirilib. Şəhidin doğum günündə baş tutan tədbirdə şəhid ailələri,qazilər, döyüş yoldaşları ilə yanaşı Cocuqmərcanlı kənd tam orta məktəbinin direktoru Zamin Həziyev, Füzuli rayon Mark Hacıyev adına Babı kənd tam orta məktəbinin direktoru İsrafil Əliyev, Füzuli rayon şahmat məktəbinin direktoru Kamil Qulamov, qarmon müəllimi Habil Məmmədov (adı çəkilən şəxslər həm də ilk qarabağ savaşının iştirakçıları olublar), Füzuli rayon Heydər Əliyev Mərkəzinin direktoru Şəhanə Kərimova, Füzuli rayon Tarix Diyarşunaslıq muzeyinin direktoru Xalisə Məmmədova, Füzuli rayon Dram teatrının aktyoru şair Vüsal Ümidli, Füzuli rayon İcra nümayəndəliyinin və təhsil şöbəsinin əməkdaşları iştirak ediblər.Tədbirdə ilk öncə Ulu Öndər Heydər Əliyev və torpaqlarımızin ərazi bütövlüyü uğrunda şəhidlik zirvəsinə ucalan qəhramanların xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Tədbir rəsmi və bədii hissənin ardıcıllığı ilə davam edib. Tədbirin gedişatında şəhidin xatirəsinə həsr olunmuş şeirlərlə yanaşı, ona həsr olunmuş videoçarxlar qonaqların diqqətinə çatdırılıb. Tədbirin sonunda şairə Esmira Günəş şəhid Fəqan Zalovun anasını və atasını səhnəyə dəvət edərək kitabını təqdim edib. Tədbir xatirə şəkilləri ilə yekunlaşdıqdan sonra qonaqlar şəhidin məzarını ziyarət ediblər.
Uğur yolu.