Gəncədə Vətən müharibəsi zamanı həlak olan mülki şəhidlərin xatirəsi anılıb

Yalnız valideynlərini itirmiş və ya valideyn himayəsindən məhrum olmuş uşağı övladlığa götürüb səkkiz yaşınadək tərbiyə edən həmin kateqoriyadan olan qadınların, eləcə də əlilliyi müəyyən edilmiş uşağı olan şəxslər erkən pensiyaya çıxacaq.

Azərbaycanda daha bir məhkum həbsdə ölüb.

Bakıda və Abşeron yarımadasında mayın 5-i axşamdan 7-si səhərədək şimal-qərb küləyinin əsəcəyi, küləyin sürətinin 15-20 m/s, bəzi yerlərdə arabir 23-25 m/s-dək güclənəcəyi gözlənilir.

TikTok Rusiyada istifadəçilər üçün məhdudlaşdırılıb.

Xudatda məktəbli vəfat edib.

Rusiyanın Rostov vilayətinin Volqodonsk şəhərindən bir qədər aralıda gəmi kanalının sahilində iki kişi vəhşicəsinə qətlə yetirilib

Rusiyanın Kirov vilayətində 36 yaşlı qadın dostunun 35 yaşlı ərini qəbiristanlığa apararaq, özünə çuxur qazmağa məcbur edib və kürəklə döyüb.

Bakıda və Abşeron yarımadasında şimal-qərb küləyinin sürəti bəzi yerlərdə 20-25 m/s-yə çatır.

Gəncədə Vətən müharibəsi zamanı həlak olan mülki şəhidlərin xatirəsi anılıb

Siyasət

Oxunub: 149

18 Ekm 2021 | 23:39

Gəncədə Vətən müharibəsi zamanı həlak olan mülki şəhidlərin xatirəsi anılıb

Vətən müharibəsində Ermənistan silahlı qüvvələrinin Azərbaycanın ikinci ən böyük şəhəri olan Gəncəyə ballistik raket hücumlarının ildönümü ilə əlaqədar anım mərasimi keçirilib. Mərasimdə Milli Məclis sədrinin birinci müavini Əli Hüseynli, parlamentin komitə sədri Musa Quliyev, deputat Pərvin Kərimzadə, Gəncə Şəhər İcra Hakimiyyətinin başçısı Niyazi Bayramov,Türkiyənin Gəncədəki baş konsulu Zəki Öztürk, din xadimləri və şəhər sakinləri iştirak ediblər.

Əvvəlcə Gəncə terrorunun qurbanlarının xatirəsi yad edilib.

Tədbirdə çıxış edən Milli Məclis sədrinin birinci müavini Əli Hüseynli bildirib ki, Vətən müharibəsinin başladığı ilk günlərdən Ermənistan qeyri-qanuni üsullarla, qadağan olunmuş silahlardan istifadə edərək döyüş bölgəsindən uzaqda yerləşən yaşayış massivlərini, mülki şəhərləri, xüsusi ilə də Gəncəni bombalayıb. Lakin Azərbaycan Ordusu həm gəncəlilərin, həm də həlak olmuş digər mülki şəxslərin qisasını Ermənistan ordusuna sarsıdıcı zərbələr vuraraq alıb. Ordumuz bununla tamamilə fərqli döyüş əxlaqı, hərbi mənəviyyat nümayiş etdirib.

Çıxış edənlər Ermənistanın Azərbaycanın dinc əhalisinə qarşı törətdiyi qırğınlardan danışıb, bu terrorun şəhər sakinlərini qorxutmadığını bildiriblər.

Qeyd olunub ki, Ermənistan silahlı qüvvələri 44 günlük Vətən müharibəsində beynəlxalq hüququn norma və prinsiplərini, 1949-cu il Cenevrə konvensiyalarını və onların Əlavə protokollarını, habelə özlərinin israrlı xahişləri əsasında Moskvada keçirilmiş görüşün yekunu olaraq razılaşdırılmış humanitar atəşkəs rejiminin tələblərini pozaraq Azərbaycanın dinc əhalisini qəsdən hədəfə almaqla yaşayış məntəqələrini ağır artilleriyadan atəşə tutublar. Azərbaycanın ikinci böyük şəhəri raket və ağır artilleriya hücumlarına məruz qalıb. Aralarında qadın və uşaqlar da olmaqla mülki şəxslər həlak olub və yaralanıblar. Şəhərdə mülki infrastruktur obyektlərinə, tarix-mədəniyyət abidələrinə külli miqdarda ziyan dəyib.

Sonra iştirakçılar həlak olanların xatirəsinə ehtiram əlaməti olaraq dağılan ərazilərə tər çiçəklər düzüblər, həlak olan dinc sakinlərin ruhlarına dualar oxunub.

Uguryolu.Az

Aygün Məmmədova